حكاية افتح توبيك بدأت من قعدة صحاب عادية جدًا ، وفجأة جت لحظة صمت، و كل واحد كان ماسك موبيله فحد قال: “ما حد يفتح توبيك!”
من هنا جت الفكرة…
ليه ما نعملش card games تساعد الناس تفتح مواضيع وتتكلم و تعرف بعض اكتر.
مش بس كلام وخلاص… لأ، تبقى حاجات فيها عمق، وضحك، وهلس، وتخلي الناس تقرب من بعض بطريقة خفيفة ولذيذة.
بدأنا بأول لعبة لينا، وسميناها على اسمنا: على اسم الشركة افتح توبك
وبصراحة… ما كناش متوقعين اللي حصل.
الناس حبت الفكرة، واتفاعلت معاها، وبقت جزء من قعدات كتير بين صحاب وعائلات بختلاف اعمارهم و شخصياتهم.
وكملنا الرحلة
بعد البداية القوية دي، قررنا نكمل ونطوّر أكتر…
وبدأنا نشتغل على ألعاب جديدة، وكل لعبة كان ليها طابع مختلف — كلهم حققوا نجاح كبير جدًا.
ومع الوقت، قدرنا نتشر في اسواق كتير
سواء offline ، أو online من خلال منصاتنا.
و الحمد الله وصلنا ان قرب600,000 شخص لعب العبنا فى بلاد مختلفة
ووصلنا لمرحلة إن ألعابنا بقى في طلب عليها إنها تترجم علشان تنزل في أسواق جديدة.
وده لأن ألعابنا أصلها مصري جدًا مش مترجمة زى معظم الالعاب الموجودة فى السوق.
بتعكس الثقافة والروح المصرية بطريقة قريبة من الناس… وفي نفس الوقت مفهومة ومحبوبة لأي حد.